Published On: 24/08/20233.3 min readCategories: Sjálfshjálp, Skilningur á hegðun (hugsanir)

Markmið

Þessi hluti miðar að því að skoða og öðlast skilning á eftirfarandi:

  • Hvers vegna augnabliksánægja getur verið svona öflug.
  • Hvernig hægt er að takast á við löngunina í augnabliksánægju.

Augnabliksánægja

Ef þú hefur verið að stunda sjálfsfróun yfir fantasíum um kynferðislegar athafnir með börnum, eða jafnvel tekið það skrefinu lengra og brotið á börnum kynferðislega, þá gætirðu verið að velta fyrir þér hvers vegna þú gerir eitthvað sem veitir ánægju í stutta stund en hefur síðan mjög neikvæðar afleiðingar til lengri tíma.

Hér eru nokkrar mögulegar skýringar:

  • Talið að afleiðingarnar gerist ekki örugglega (til dæmis að handtaka sé bara möguleg).
  • Lítið gert úr langtímaafleiðingum samanborið við kynferðislegu ánægjuna sem fæst samstundis.
  • Sannfæring um að manni sé sama um langtímaáhrif þegar hegðunin á sér stað, sérstaklega ef maður er í uppnámi eða líður illa.
  • Siðferðisleg aftenging:
    • Koma ábyrgðinni á aðra: „Ég myndi ekki hugsa svona um hana ef hún klæddi sig ekki svona“, „Það er svo mikið af kynferðislegum ímyndum“.
    • Lágmarka skaðann: „Þetta er bara fantasía.“, „Þetta er bara smá snerting.“
    • Hópskýringar: „Aðrir eru að gera þetta líka.“

Siðferðisleg aftenging gerir því kleift að njóta einhvers sem er siðferðislega rangt samhliða því að draga úr óþægindum sem kæmu líklega upp ef hugsað væri út í skaðlegar afleiðingar kynferðislegs ofbeldis á börn.

  • Mýtan um að karlmenn séu hvatvísari þegar þeir finna fyrir kynferðislegri spennu og því líklegri til að taka hvatvísari ákvarðanir.

Kannski hjálpar þetta ekki enn við að skilja hvers vegna þú byrjaðir að hafa kynferðislegar hugsanir um börn og afsakar vissulega ekki hegðunina. Hins vegar getur þetta hjálpað við að skilja hvers vegna einstaklingar taka augnabliksánægju fram yfir skynsemi og mögulegar afleiðingarnar.

Það er mikilvægt að þú byrjir að hugsa um hvernig hægt sé að draga úr þessu mynstri.

 

Hvað getur þú gert?

Ein leið til að vinna gegn krafti augnabliksánægjunnar er að hugsa um hvernig þér mun líða eftir klukkutíma, viku eða mánuð ef þú ferð á netið að skoða ólöglegar myndir og finnur fyrir sektarkennd eða skömm. Hvernig myndi þér frekar líða ef þú slepptir því og gerðir eitthvað annað, eins og að lesa, fara í göngutúr og fyndir fyrir stolti, gleði og létti?

Einnig er hjálplegt að búa til lista yfir skaða og ávinning þess að skoða ólöglegt efni. Hægt er að skipta því niður í langtíma- og skammtímaáhrif.

Geturðu fundið fleiri skammtíma- eða langtímaávinninga og bætt við töfluna? Bættu við því sem tengist þér.

Mjög fáir geta lýst langtímaávinningi af þessari hegðun. Það sýnir hversu sterk löngunin í kynferðislega ánægju getur orðið í augnablikinu og hversu mikilvægt er að stöðva þessa hegðun.

 

Hugleiðingar

  • Er augnabliksánægja vandamál hjá þér? Ertu endurtekið að setja þig í aðstæður þar sem þú ert að gera hluti sem eru skaðlegir þér og öðrum?
  • Hverjar eru bestu leiðirnar fyrir þig til að stjórna þessum löngunum þínum?

Ef þú vilt ræða eitthvað sem kom fram í þessari æfingu, hefur átt erfitt með að komast í gegnum verkefnin eða vilt tækifæri til að fara í gegnum verkefni með meðferðaraðila ekki hika við að hafa samband með tölvupósti á taktuskrefid@taktuskrefid.is.