Published On: 09/10/20213.9 min readCategories: Skilningur á hegðun (netið)

Tímalína

Þessi æfing horfir til baka yfir líf þitt til að hjálpa þér að velta fyrir þér hvernig óviðeigandi nethegðun byrjaði.

Að búa til tímalínu

Fyrst þarf að fá skýra sýn á hvernig hegðun á netinu þróaðist í að skoða ólöglegar myndir. Skrifaðu í hvern kassa á tímalínunni stutta lýsingu á lykilatburði í þínu lífi sem varð til þess að þú steigst skrefi lengra í kynhegðun þinni og leiddi að lokum að ólöglegu efni. Skoðaðu dæmið hér fyrir neðan til að sjá hvernig þetta er gert. Gott er að fylla inn í tímalínuna í eftirfarandi röð:

  1. Núverandi staða (lengst til hægri).
  2. Fyrsta skipti sem þú komst í kynni við ólöglegar myndir af börnum (undirstrikaðu þennan punkt á tímalínunni, eins og sýnt er í dæminu).
  3. Fyrsta minning þín um kynferðislega örvun, hvort sem það var með klámi eða eitthvað annað (líklegast lengst til vinstri).
  4. Á milli þess hér að ofan, fylltu inn aðra atburði sem þú telur hafa fært þig yfir ákveðin mörk og í átt að áhættumeiri hegðun á netinu.

Mundu að þetta er tímalínan þín – ef þú þarft fleiri kassa til að fylla út, bættu þeim við.

Að grafa dýpra

Til að skoða tímalínu þína nánar og velta henni fyrir þér er gott að fylla út töfluna hér að neðan í eins miklum smáatriðum og hægt er. Það getur hjálpað að skoða Tilfinningahjólið til að finna orð yfir tilfinningar.

Dæmi:

Að skilja hegðunina yfir tíma

Spurningar til að svara á meðan horft er á tímalínuna.

1. Hversu mikla stjórn hafðirðu á atburðunum sem urðu til þess að þú fórst að sýna áhættumeiri hegðun? Þegar þú lítur til baka, hvað hefðir þú getað gert öðruvísi?

Engin stjórn   1   2   3   4  5   6   7   8   9   10   Full stjórn

2. Hversu mikla stjórn hafðirðu á þeim ákvörðunum sem leiddu að frekari brotahegðun? Hvers vegna?

Engin stjórn   1   2   3   4  5   6   7   8   9   10   Full stjórn

3. Hvers konar mynstri tekur þú eftir hjá þér í þróun kynferðislegra hugaróra?

Hugsaðu um þegar þú fórst að nota netið reglulega.

4. Hvers vegna fórstu að nota netið?

5. Finnst þér netnotkun þín hafa áhrif á hugsunarhátt þinn? Ef svo er, hvernig?

6. Hvaða áhrif hefur áframhaldandi netnotkun haft á alvöru líf þitt?

7. Hvernig myndir þú lýsa „lífi þínu á netinu“?

Veltu fyrir þér atburðinum sem varð til þess að þú náðir í ólöglegt efni í fyrsta sinn.

8. Hvers vegna heldurðu að þessi atburður hafi orðið til þess að þú sóttir ólöglegt efni í fyrsta sinn? Hvers vegna ekki fyrr?

9. Var eitthvað annað að gerast í lífinu sem þú hefur ekki minnst á sem gæti hafa haft áhrif á ákvörðun þína að sækja ólöglegar myndir af börnum?

10. Hvers vegna heldurðu að þú hafir haldið hegðuninni áfram?

11. Af listanum hér fyrir neðan, merktu við þá hegðun sem þú hefur stundað:

  • Hlaðið niður ólöglegu efni eða myndum af börnum.
  • Deilt efni eða myndum með öðrum.
  • Spjallað við aðra fullorðna á netinu um misnotkun á börnum (til dæmis deilt hugarórum).
  • Spjall eða vídjóspjall við börn á netinu af kynferðislegum toga.
  • Sýnt af þér kynferðislega hegðun fyrir framan barn í gegnum vefmyndavél.
  • Framleitt ólöglegt efni eða myndir af börnum.
  • Notað falda myndavél til að fylgjast með nekt eða kynferðislegum athöfnum.
  • Kynferðislegar athafnir með börnum.

Sérðu hvernig hegðun þín hefur breyst með tímanum og hvernig hún hefur falið í sér ólíkar athafnir?

12. Hefurðu einhvern tímann reynt að hætta að ná í ólöglegt efni á netinu? Ef svo er, hversu oft? Af hverju heldurðu að það hafi ekki gengið?

13. Hver er helsti hvati þinn í að takast á við hegðun þína núna? Hversu mikilvægt er það fyrir þig?

Ef þú vilt ræða eitthvað sem kom fram í þessari æfingu, hefur átt erfitt með að komast í gegnum verkefnin eða vilt fara í gegnum verkefni með meðferðaraðila ekki hika við að hafa samband með tölvupósti á taktuskrefid@taktuskrefid.is.